ആട്ടവും പാട്ടും, ഒപ്പം ചില സന്ദേശങ്ങളും നൽകി യുണൈറ്റഡ് കിങ്ഡം ഓഫ് കേരള (U.K O.K) ഒഫീഷ്യൽ ട്രയിലർ എത്തി
ആട്ടവും, പാട്ടുമൊക്കെയായി യു.കെ.ഓ.കെ എന്ന ചിത്രത്തിൻ്റെ ഒഫീഷ്യൽ ട്രയിലർ എത്തി. അരുൺ വൈഗ സംവിധാനം ചെയ്യുന്ന ഈ ചിത്രം മെയ് ഇരുപത്തിമൂന്നിന് പ്രദർശനത്തിനെത്തുന്നതിൻ്റെ ഭാഗമായിട്ടാണ് ട്രയിലർ പുറത്തുവിട്ടിരിക്കുന്നത്. ഫ്രാഗ്രനൻ്റ് നേച്ചർ ഫിലിംസ്, പൂയപ്പള്ളി ഫിലിംസ് എന്നീ ബാനറുകളിൽ ആൻ, സജീവ്, അലക്സാണ്ടർ മാത്യു എന്നിവരാണ് ഈ ചിത്രം നിർമ്മിക്കുന്നത്.
മനോഹരമായ ദൃശ്യഭംഗിയും, യുവത്വത്തിൻ്റെ ആഹ്ളവുമൊക്കെ ഒരു ഗാനരംഗത്തിലൂടെ ഈ ട്രയിലറിൽ പ്രകടമാകുന്നു. " എടാ ചങ്കൊറപ്പുള്ളവനാണങ്കിൽ ജീവിച്ചു കാണിക്കണം" എന്നുള്ള വാക്കുകൾ ഉറച്ച മനസ്സിൻ്റെ പ്രതിഫലനവുമായി കാണാം. ഹൃദ്യമായ ഇത്തരം മുഹൂർത്തങ്ങളും ഈ ട്രയിലറിൽ കാണാം. ഇതെല്ലാം കാട്ടിത്തരുന്നത് ഈ ചിത്രം, എല്ലാ വിഭാഗം പ്രേക്ഷകർക്കും ഒരുപോലെ ആസ്വദിക്കുവാൻ പോരുന്ന ഒരു കലാവിരുന്നു തന്നെയായിരിക്കും. കാതലായ ഒരു സാമൂഹ്യവിഷയവും ഈ ക്ലീൻ എൻ്റർടൈനർ ചിത്രം കൈകാര്യം ചെയ്യുന്നുണ്ട്.
യുവ നായകൻ രഞ്ജിത്ത് സജീവും ജോണി ആൻ്റെണിയും ലീഡ് റോളിൽ എത്തുന്ന ഈ ചിത്രത്തിൽ മനോജ് കെ. ജയൻ, ഇന്ദ്രൻസ്, ഡോ. റോണി. മനോജ് കെ.യു, മഞ്ജു പിള്ള, സംഗീത, മീരാ വാസുദേവ്, സാരംഗി ശ്യാം എന്നിവരും പ്രശസ്ത സംവിധായകൻ അൽഫോൻസ് പുത്രനും ഈ ചിത്രത്തിൽ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു. ശബരീഷ് വർമ്മയുടേതാണു ഗാനങ്ങൾ, സംഗീതം രാജേഷ് മുരുകേശൻ.
- ഛായാഗ്രഹണം - സിനോജ് പി. അയ്യപ്പൻ
- എഡിറ്റിംഗ് - അരുൺ വൈഗ
- കലാസംവിധാനം - സുനിൽ കുമരൻ
- മേക്കപ്പ് - ഹസ്സൻ വണ്ടൂർ
- കോസ്റ്റ്യും ഡിസൈൻ - മെൽവി ജെ
- നിശ്ചല ഛായാഗ്രഹണം - ബിജിത്ത് ധർമ്മടം
- ചീഫ് അസ്സോസ്സിയേറ്റ് ഡയറക്ടർ - കിരൺ റാഫേൽ
- ലൈൻ പ്രൊഡ്യുസർ - ഹാരിസ് ദേശം
- പ്രൊഡക്ഷൻ എക്സിക്കുട്ടീവ് - വിനോഷ് കൈമൾ
- പ്രൊഡക്ഷൻ കൺട്രോളർ - റിനിൽ ദിവാകർ
പാലാ ഭരണങ്ങാനം, കട്ടപ്പന, ഈരാറ്റുപേട്ട, ചെന്നൈ, മൂന്നാർ, കൊച്ചി, ഗുണ്ടൽപ്പെട്ട് എന്നിവിടങ്ങളിലായി ചിത്രീകരണം പൂർത്തിയാക്കിയ ഈ ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു. മെയ് ഇരുപത്തി മൂന്നിന് ഈ ചിത്രം പ്രദർശനത്തിതെത്തുന്നു.
